InicioPolíticaCaballero apoia a prohibición de fumar se non hai distancia e adianta...

Caballero apoia a prohibición de fumar se non hai distancia e adianta que a ampliará ás praias

"Paréceme conveniente a formulación de Feijóo", destacou o rexedor.

PUBLICADO O

- Advertisement -

O alcalde de Vigo, Abel Caballero, apoiou este xoves a prohibición de fumar en terrazas de locais ou na rúa cando non se pode manter a distancia de seguridade para evitar a propagación do coronavirus, e subliñou que recomendará á cidade que siga esa indicación. Así o trasladou nunha rolda de prensa, a preguntas dos medios sobre esa restrición, anunciada nas últimas horas polo presidente da Xunta, Alberto Núñez Feijóo, e que entrou en vigor este xoves.

“Hai que ser moi prudentes, paréceme conveniente a formulación de Feijóo. Estamos en rebrotes e hai que tomar medidas de protección”, sinalou o rexedor olívico, quen coincidiu co presidente galego ao sinalar que “os técnicos din que o fume do tabaco pode conter virus”. Respecto diso, Caballero tamén lembrou que o Concello de Vigo está a preparar a súa ordenanza para regular a prohibición de fumar nalgunhas praias de Vigo, e avanzou que, mentres dure a pandemia de COVID e tras as indicacións da Xunta, as restricións afectarán a todos os areais.

SANTIAGO ADVIRTE DA FALTA DE RECURSOS

A Concelleira de Acción Cultural do Concello de Santiago, Mercedes Rosón, considerou que a decisión da Xunta de permitir fumar en lugares públicos unicamente se se pode garantir a distancia de dous metros é “sensata”, pero manifestou que os municipios contan con “moi poucos recursos” para controlar o cumprimento das normas.

Rosón respondeu así a unha pregunta sobre esta medida, que entrou en vigor este xoves, nunha rolda de prensa. “Feijóo o único que fai é pór deberes ao Estado e ao Concello“, criticou epediulle ao presidente da Xunta que se enfronte “a todas as responsabilidades e competencias en materia sanitaria, educativa e de xestión da comunidade”.

Temos –os concellos– moitas cousas encima e moi poucos recursos. El ten moitos recursos e case todas as competencias. O que ten que facer de forma urxente é enfrontarse a elas. Dá a sensación de que estas medidas con moita repercusión mediática están a ser utilizadas para tapar o verdadeiramente importante”, acusou.

ÚLTIMAS

Atopan unha nova alga moi invasora na ría de Vigo

O grupo de investigación BioCost, do Centro Interdisciplinar de Química e Bioloxía da Universidade...

Revogado o Máster en Xestión do Desenvolvemento Sustentable da Uvigo

O Diario Oficial de Galicia (DOG) publicou este luns a orde coas revogacións dun...

Cae un mozo 22 anos desde un tellado mentres contemplaba os lumes de Bouzas

Un mozo de 22 anos, con iniciais M.B.G., tivo que ser trasladado polos servizos...

O Concello de Vigo pide explicacións á RFEF sobre os criterios de selección das sedes do Mundial 2030

O Concello de Vigo remitiu unha carta á Real Federación Española de Fútbol (RFEF)...