O último escano da provincia de Pontevedra está aínda no aire e dependerá do voto dos residentes ausentes. O PSdeG conseguiu quitarlle o escano ao PP co 99% do reconto e por pouco máis de cen votos. Deste xeito, o PP queda con dez actas e BNG e PSdeG, con seis respectivamente.

Se se mantivese a distribución de escanos pola provincia de Pontevedra, non entraría no Parlamento galego polo PP Alberto Pazos, e si o faría polo PSdeG Noelia Otero, que concorría como número seis na lista socialista por esta circunscrición.

Tal foi a intensidade no reconto e as tensións a última hora da noite que o reconto paralizouse co 99,87% do voto escrutado. Na localidade pontevedresa de Sanxenxo, o reconto de votos estivo paralizado ata a madrugada.