O BNG reclamou que se investigue a retención durante catro días do pesqueiro vigués ‘Río Mau’ en Irlanda ante a sospeita de que poida tratarse dun “feito discrimantorio”.

A formación frontista solicita á Xunta que se dirixa ao Goberno español para que “tome cartas no asunto” ante o “dubidoso” proceder das autoridades irlandesas.

O arrastreiro vigués ‘Río Mau’ foi retido esta semana na localidade irlandesa de Castletownbere debido a un incumprimento da normativa de seguridade.

A detención por parte das autoridades irlandesas produciuse debido ao estado dunha escaleira manual da que se debe dispor nestes buques para subir a bordo.

Así, o BNG afirma que as propias autoridades “admiten que houbo un erro á hora de estimar as capturas de rape e rapante a bordo, pero o certo é que se trata da terceira retención dun barco galego no que vai de ano”.