InicioPolíticaO Concello de Vigo acusa á Xunta de non cumprir a súa...

O Concello de Vigo acusa á Xunta de non cumprir a súa promesa de triplicar as axudas para O Marisquiño

Critica que Corina Porro "xa trouxo a primeira decpeción para Vigo".

PUBLICADO O

- Advertisement -

O portavoz do goberno local de Vigo, Carlos López Font, criticou que o primeiro acto público da nova delegada territorial da Xunta, Corina Porro, trouxera xa a “primeira decepción”, en relación coa asignación do goberno autonómico ao festival O Marisquiño.

Refírese á firma onte do contrato de patrocinio do festival, no que participou Porro xunto ao secretario para o Deporte, José Ramón Lete Lasa, e a directora de Turismo, Nava castro, polo que a Xunta desembolsará 121.000 euros, “o triplo que en 2018”, segundo destacaron desde a administración galega.

Font ironizou con que a primeira actuación da “fichaxe estrela” de Alberto Núñez Feijóo saldouse “coa primeira decepción”, pois botou en falta 50.000 euros dos que a Xunta “prometeu”. E é que lembra que en 2018, a asignación da Xunta ao festival de arte e deporte urbano foi de 55.000 euros.

Desde a Xunta esgrímense, ademais do financiamento directo, as xestións para que o Marisquiño puidésese beneficiar do programa de patrocinios do Xacobeo 2021.

O portavoz do goberno local de Vigo advertiu de que eses 50.000 euros que bota en falta “poñen en risco” a celebración do festival. “Se dixeron que triplicaban, teñen que cumprilo”, reiterou.

Font fixo fincapé en que Santiago de Compostela recibe da Xunta “para festas” uns 2,5 millóns de euros, e calculou, en proporción ao que destina a Vigo, que á capital galega dáselle un tratamento “coma se fose unha cidade de seis millóns de habitantes”. A conclusión de todo este asunto por parte do portavoz do goberno local vigués é que isto non se arranxa con nomeamentos”.

ÚLTIMAS

Detido un mozo en Vigo tras entregar haxix a unha muller en plena rúa

Un mozo, L.D.S.N. de 21 anos de idade, foi detido en Vigo tras entregar...

Investigadas 10 persoas por un delito de falsidade documental en Pontevedra

A Garda Civil investiga a un total de 10 persoas como presuntos autores dun...

Arden cinco gabarras na zona industrial de Saxamonde en Redondela

Por fortuna, aínda que o lume estivo preto dunha nave industrial, esta non se...

Transportes prepara a licitación do tramo de AVE O Porriño-Tui e declara “prioritaria” a saída Sur de Vigo

O Ministerio de Transportes e Mobilidade Sustentable avanzou que está "a traballar na preparación...