O presidente da Xunta, Alfonso Rueda, trasladou ao embaixador de Portugal en España, João Mira-Gomes, a necesidade de dar pasos conxuntos entre os países veciños para a conexión de Vigo e O Porto na liña de alta velocidade ferroviaria. Así o recolle un comunicado emitido pola Xunta tras a recepción de Rueda este venres no seu despacho ao embaixador da República Portuguesa, que cambia o seu destino para iniciar unha nova etapa en Xenebra (Suíza). Durante o encontro, o mandatorio autonómico agradeceu a Mira-Gomes o traballo feito nos últimos anos e puxo o foco na conexión ferroviaria do sur de Galicia co norte de Portugal. Neste sentido, incidiu na “ampla” demanda social para levar a cabo esta infraestrutura que Rueda considera “estratéxica” para a comunidade galega e o país luso.