A conselleira de Vivenda e Planificación de Infraestruturas, María Martínez Allegue, insistiu este mércores na necesidade de liberar a peaxe da AP-9 no tramo entre Vigo e O Porriño e pediu “alternativas” para o trazado da ampliación da A-52 ata a cidade olívica.

Así o sinalou ante os medios de comunicación tras ser preguntada pola situación actual desta vía, indicando que o Goberno galego sempre reclamou máis seguridade para a A-55 e defendeu a ampliación da autovía.

Con todo, pediu “escoita activa” a todas as administracións implicadas, como os concellos de Vigo, Mos e O Porriño, destacando a posibilidade de buscar “alternativas adicionais” ao actual trazado planificado, “que parece que non consegue a conformidade” de todos os veciños.