InicioPolíticaO PP denuncia que o goberno de Caballero "oculta" as queixas de...

O PP denuncia que o goberno de Caballero “oculta” as queixas de Protección Civil a pesar dos avisos de Transparencia

Así, o concelleiro 'popular' Fernango González Abeijón sinalou que pediu no principio do ano ter acceso ás queixas, incidencias e comunicacións da agrupación de voluntarios de Protección Civil e non recibiu resposta por parte do goberno municipal, negando esa información "por silencio administrativo".

PUBLICADO O

- Advertisement -

O grupo municipal do PP no Concello de Vigo denunciou este mércores que o goberno municipal de Abel Caballero “oculta” as queixas e incidencias presentadas polos voluntarios de Protección Civil dos últimos cinco anos, a pesar das advertencias da Comisión de Transparencia de Galicia. Así, o concelleiro ‘popular’ Fernango González Abeijón sinalou que pediu no principio do ano ter acceso ás queixas, incidencias e comunicacións da agrupación de voluntarios de Protección Civil e non recibiu resposta por parte do goberno municipal, negando esa información “por silencio administrativo“.

O edil do PP recorreu entón á Comisión de Transparencia, en maio pasado, e este organismo admitiu a trámite a súa denuncia e instou ao goberno local vigués a trasladar esa información ao grupo municipal que a requiriu. Con todo, o prazo dado pola Comisión expirou e o goberno local e a concelleira de Seguridade, Patricia Rodríguez Calviño, “inciden no seu escurantismo”. Ademais, González Abeijón criticou o “plantón” de Abel Caballero e o seu goberno aos voluntarios de Protección Civil durante a recente entrega de medallas polos seus 25 anos de servizo. No acto, celebrado na Estrada, acudiron representantes de varios concellos galegos, pero “Vigo non tivo ningunha representación municipal”.

Os voluntarios de Protección Civil non se merecen estes malos tratos. Dan moito á cidade pero, a cambio, o seu máximo representante ignóralles totalmente. Ou peor aínda, móstralles publicamente o seu desprezo. Será probablemente porque, do mesmo xeito que os bombeiros, non lle son dóciles“, engadiu González Abeijón. Finalmente, o concelleiro popular reclamou que se convoquen as eleccións necesarias para conformar a nova directiva da agrupación local deste servizo, que leva anos en situación de provisionalidade.

ÚLTIMAS

Abren dilixencias previas por verteduras da cidade deportiva do Celta tras denuncias ecoloxistas

O Xulgado de Instrución número 2 de Vigo notificou a Ecoloxistas en Acción a apertura de dilixencias previas...

Atopan unha nova alga moi invasora na ría de Vigo

O grupo de investigación BioCost, do Centro Interdisciplinar de Química e Bioloxía da Universidade...

Revogado o Máster en Xestión do Desenvolvemento Sustentable da Uvigo

O Diario Oficial de Galicia (DOG) publicou este luns a orde coas revogacións dun...

Cae un mozo 22 anos desde un tellado mentres contemplaba os lumes de Bouzas

Un mozo de 22 anos, con iniciais M.B.G., tivo que ser trasladado polos servizos...