InicioPolíticaO BNG propón máis frecuencias ferroviarias entre Vigo e Santiago: "Comprar un...

O BNG propón máis frecuencias ferroviarias entre Vigo e Santiago: “Comprar un billete está a converterse nunha odisea”

O BNG rexistrou iniciativas no Congreso e no Senado co obxectivo de que se aumenten as frecuencias ferroviarias do Eixo Atlántico entre Vigo e Santiago e para pedir ao Ministerio de Transportes e Mobilidade Sustentable e a Renfe que actúen con "maior planificación" e non de forma "reactiva" aos problemas.

PUBLICADO O

- Advertisement -

BNG rexistrou iniciativas no Congreso e no Senado co obxectivo de que se aumenten as frecuencias ferroviarias do Eixo Atlántico entre Vigo e Santiago e para pedir ao Ministerio de Transportes e Mobilidade Sustentable e a Renfe que actúen con “maior planificación” e non de forma “reactiva” aos problemas. En concreto, o Bloque lamentou a “falta de prazas” que hai entre estas dúas cidades. Unha situación que se agrava, segundo os nacionalistas, co peche de Peinador pola obra na súa pista, derivándose os voos á capital galega.

Segundo recolle o BNG nun comunicado, a falta de prazas na conexión entre Vigo e Santiago é un dos problemas máis denunciados recentemente e que imposibilita a mobilización e os traslados ferroviarios de moitas persoas pola insuficiencia de prazas. “Son reiteradas as ocasións nas que o BNG se dirixiu a Transportes para que resolva todos estes problemas con determinación e non con parches”, sinalou o deputado do Bloque no Congreso, Néstor Rego.

Na mesma liña falou a senadora Silva Méndez, quen dixo que comprar un billete está a converterse nunha “odisea” e nunha “carreira de obstáculos”. “Os trens desde Pontevedra e Vigo a Madrid están saturados e os prezos multiplicáronse por tres desde a clausura de Peinador e as ofertas de lanzamento dos trens Avril”, criticou, quen pediu non só máis prazas entre Vigo e Santiago, senón tamén no traxecto a Madrid.

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...