InicioPolíticaAprobada unha moción do BNG para iniciar trámites e declarar Vigo como...

Aprobada unha moción do BNG para iniciar trámites e declarar Vigo como zona tensionada de vivenda

Saíu adiante cos votos a favor do BNG e a abstención dos socialistas e os 'populares'.

PUBLICADO O

O pleno de Vigo aprobou este luns unha moción do BNG para iniciar os trámites necesarios para declarar a cidade como zona tensionada de vivenda. A iniciativa nacionalista pretendía, entre outras accións, solicitar medidas para frear o aumento dos alugueres na urbe, limitar a proliferación dos pisos turísticos e buscar compromisos concretos do goberno local, galego e nacional para o “grave” problema actual co acceso á vivenda.

O encargado de defender esta moción foi o portavoz do BNG, Xabier Pérez Igrexas, quen acusou ás tres administracións de “inacción” ante un dos “principais” problemas sociais en Vigo, que é o acceso á vivenda. Por iso, pediu á Xunta que exerza as súas competencias nesta materia na cidade e solicitou ao goberno local que poña en marcha os recursos dispoñibles para que os vigueses poidan gozar de pisos máis baratos.

No caso do Executivo nacional, insistiu na necesidade de destinar a usos sociais os centos de inmobles dos que dispón a Sociedade de Xestión de Activos Procedentes da Reestruturación Bancaria (Sareb), participada maioritariamente polo Estado.

Finalmente, a iniciativa saíu adiante cos votos a favor do BNG e a abstención dos socialistas e os ‘populares’.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...