InicioPolíticaDimite a executiva do PSOE de Salvaterra de Miño polos "malos resultados"...

Dimite a executiva do PSOE de Salvaterra de Miño polos “malos resultados” das autonómicas

A formación critica a convocatoria "exprés" dun congreso extraordinario por parte da executiva nacional e asegura que "seguirá traballando por un PSOE forte na localidade".

PUBLICADO O

A executiva municipal do PSOE en Salvaterra de Miño acordou a súa dimisión en bloque tras os “malos resultados” obtidos pola formación nas eleccións do pasado 18 de febreiro. Nesta cita coas urnas, os socialistas cultivaron o seu peor resultado histórico, con só nove escanos no Parlamento de Galicia, cinco menos que os alcanzados nas autonómicas de 2020.

Nun comunicado remitido aos medios, a Agrupación local sinala que as eleccións do 18F supuxeron “a perda de 400 votos en Salvaterra, (sendo aínda así, o mellor resultado porcentual da comarca do Condado-Paradanta, cun 15,50%), e que se traduciu na perda de cinco deputados no Parlamento galego, dous deles na provincia de Pontevedra.

Ademais, critica a convocatoria “exprés” dun congreso extraordinario por parte da executiva nacional, ao considerar que “unicamente permitirá o cambio de caras pero non o debate interno”. “Un congreso exprés non favorece a participación da militancia, polo que estariamos a falar dunha fraude de lei, xa que nos propios estatutos do partido indican que se promoverá a participación dos militantes, cousa que non se dá nesta convocatoria”, advirte o comunicado.

“Ante esta ausencia de responsabilidades”, a agrupación sinala que a militancia de Salvaterra acordou a dimisión da súa executiva, que “seguirá traballando por un PSOE forte na localidade”. Por último, apunta que os catro concelleiros socialistas do municipio seguirán prestando o seu labor como líderes da oposición, “traballando polo interese xeral dos veciños”.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...