InicioPolíticaO PP pregunta ao Goberno as medidas tomadas tras o voo de...

O PP pregunta ao Goberno as medidas tomadas tras o voo de Air Nostrum cancelado en favor de xogadores do Sevilla

PUBLICADO O

- Advertisement -

Os deputados do PPdeG no Congreso preguntaron ao Ministerio de Consumo e ao de Transportes, Mobilidade e Axenda Urbana polas medias tomadas tras ter coñecemento do voo de Air Nostrum cancelado en Vigo en favor dos xogadores do Sevilla Fútbol Club. A formación rexistrou unha iniciativa parlamentaria na que interpela ao Goberno central sobre este asunto e, especificamente, sobre que medidas foron postas en marcha.

Desta maneira, os ‘populares’ súmanse así ás reclamacións realizadas polos viaxeiros afectados e ás denuncias e queixas formuladas por varias organizacións de consumidores. Segundo recolle o PP nun comunicado, os deputados tamén solicitaron saber que compensación recibirán os pasaxeiros e que sancións terá que pagar a compañía aérea polo trato “discriminatorio” que recibiron os seus clientes.

FEITOS

O escrito lembra que o pasado 4 de novembro unhas 80 persoas viron como subían ao avión que lles correspondía xogadores, técnicos e directivos do equipo de fútbol que xogara un partido contra o Celta de Vigo esa mesma tarde, dándolles prioridade fronte ao resto de pasaxeiros e asignándolles o único avión que a compañía tiña nese momento dispoñible.

“A razón que se ofreceu entón foi que o aparello no que ía voar o equipo sufrira unha avaría e priorizóuselle no último voo regular do día a Madrid. En consecuencia, os 80 pasaxeiros que Air Nostrum decidiu deixar en terra tiveron que elixir entre regresar por estrada a Madrid, ao día seguinte ás 8 da mañá, ou coller o primeiro voo do domingo cos consecuentes prexuízos ocasionados”, lamenta o PP.

ÚLTIMAS

O Concello de Vigo pide explicacións á RFEF sobre os criterios de selección das sedes do Mundial 2030

O Concello de Vigo remitiu unha carta á Real Federación Española de Fútbol (RFEF)...

Emerxencia na AP-9: unha muller hospitalizada tras sufrir un accidente en Trasmañó

Unha muller, de 44 anos e con iniciais C.A.E., resultou ferida de gravidade tras saírse da...

Desconvocada a folga de persoal de ambulancias na área de Vigo

O persoal de ambulancias da 061 da área Vigo decidiu desconvocar a folga indefinida...

Encontro de amizade e cooperación entre Vigo e México

O alcalde de Vigo, Abel Caballero, reuniuse este venres co embaixador de México en...