InicioPolíticaO BNG pide o apoio das administracións para "blindar" a continuidade de...

O BNG pide o apoio das administracións para “blindar” a continuidade de Conxemar e reclamar unha sede de FAO

O portavoz municipal, Xabier Pérez Igrexas, manifestou o apoio á feira de Conxemar, que "pon a Vigo no mapa" e reclamou ás administracións "que despreguen un maior esforzo para blindar a continuidade" deste evento "estratéxico", "para que siga sendo un emblema da cidade".

PUBLICADO O

- Advertisement -

BNG reclamou este venres o apoio das administracións para “blindar” a continuidade da Feira Conxemar en Vigo, así como a mobilización dos recursos necesarios para que a cidade poida contar cunha oficina da FAO, tal e como o Goberno de España avanzara en xullo do ano pasado.

Así o trasladaron a eurodeputada nacionalista, Ana Miranda; o portavoz do BNG no Concello de Vigo, Xabier Pérez Igrexas; e a deputada autonómica, Carmela González, tras manter un encontro co presidente e a directora xeral de Conxemar, Eloy García e Yobana Bermúdez, respectivamente.

Ana Miranda manifestou o apoio do BNG á Feira Internacional de Produtos do Mar Conxelados de Conxemar, que celebrará a súa 24ª edición entre o 3 e 5 de outubro no Instituto Feiral de Vigo, e explicou que a próxima semana, no Parlamento Europeo, trasladará ao ministro Luís Planas a importancia deste evento. Segundo subliñou, o peso de Vigo “é moi diferente” ao doutros lugares pesqueiros, polo que instou a todas as administracións a apoiar “unha das feiras máis importantes do mundo”.

Respecto diso, puntualizou que o BNG “defende o que fai Conxemar”, é dicir, “a promoción, venda, boa calidade e boa rastrexabilidade dos produtos galegos“, e explicou que, por iso, presentaron varias emendas no informe de organización común de mercados de produtos da pesca e a acuicultura nesa liña. Por outra banda, Miranda prometeu tamén trasladar ao ministro de Agricultura, Pesca e Alimentación a importancia de Vigo conte cunha oficina da FAO.

FEIRA QUE “PON A VIGO NO MAPA”

Na mesma liña, o portavoz municipal do BNG, Xabier Pérez Igrexas, tamén manifestou o apoio á feira de Conxemar, que “pon a Vigo no mapa” e reclamou ás administracións “que despreguen un maior esforzo para blindar a continuidade” deste evento “estratéxico”, “para que siga sendo un emblema da cidade“.

Por outra banda, manifestou a “preocupación” do BNG por que non se materializou a apertura dunha oficina da FAO en Vigo, máis dun ano despois de que o Goberno ofrecese a este organismo da ONU o seu apoio para crear no Porto de Vigo a oficina da Rede Global de Portos Azuis.

Nese sentido, anunciou que o BNG promoverá unha declaración institucional no Concello de Vigo para que reclame “a todas as administracións, empezando polo Goberno de España”, a instalación desa sede, porque “é o momento de pasar das palabras aos feitos” e porque “hai que mobilizar recursos e non chega con boas intencións”.

ÚLTIMAS

Rueda, preparado para negociar con Caballero

O desbloqueo da urbanización da ETEA, a reforma das pistas de Balaídos, ou a...

A concelleira de Urbanismo afea a “actitude” da Xunta a catro días da reunión de Rueda e Caballero

O goberno municipal de Vigo afeou este venres "o fondo e as formas" das declaracións da...

O PP de Vigo esixe a Caballero que garanta a seguridade en San Xoán ante a previsión de falta de bombeiros

O grupo municipal do PP no Concello de Vigo esixiu este venres ao alcalde, Abel Caballero,...

Falece un mozo en Vigo tras ter un accidente cunha carretilla elevadora

Un mozo de 24 anos de idade faleceu este xoves en Vigo tras sufrir...