InicioPolíticaO PSOE esixe a Nava Castro que non integre ao edil que...

O PSOE esixe a Nava Castro que non integre ao edil que chamou “parapléxico” a un integrante do BNG

PUBLICADO O

- Advertisement -

O PSOE de Ponteareas considerou “inadmisible” o comportamento do concelleiro independente Domingos Freitas que chamou “parapléxico” a un responsable local do BNG e pediu á alcaldesa, a popular Nava Castro, que non o integre no seu goberno. Ademais, instan ao edil a dimitir como mostra de “arrepentimento”.

En concreto, durante o pleno de investidura, este edil de Independentes de Ponteareas, fixo alegación en favor do “compañeirismo” que tivo un sorprendente final. Así, despois de apelar ao diálogo e á boa relación persoal á marxe de rivalidades políticas, respondeu as palabras dun integrante do BNG que lle increpaba desde o público asegurando: “Ti cala, parapléxico!”.

Nun comunicado remitido aos medios, o PSOE considera “inadmisible” o comportamento deste concelleiro ao sinalar que “humillou ás persoas parapléxicas”. Ademais, lembra que este mesmo edil xa fora reprobado cando era membro do PP por comentarios xenófobos e polo seu apoio nas redes sociais ao grupo neonazi ‘Fogar Social’.

Con estes antecedentes, os socialistas consideran que Domingos Freitas demostrou desde o primeiro momento que “non está capacitado para ser representante dos veciños e das veciñas de Ponteareas”. Ademais, o PSOE censura que a alcaldesa Nava Castro fotografásese co concelleiro tras o altercado “coma se nada pasase”. “Esa mesma fotografía foi escollida polo PP para a prensa”, critican os socialistas, que instan á rexedora a que non incorpore a este edil no seu goberno.

ÚLTIMAS

Abren dilixencias previas por verteduras da cidade deportiva do Celta tras denuncias ecoloxistas

O Xulgado de Instrución número 2 de Vigo notificou a Ecoloxistas en Acción a apertura de dilixencias previas...

Atopan unha nova alga moi invasora na ría de Vigo

O grupo de investigación BioCost, do Centro Interdisciplinar de Química e Bioloxía da Universidade...

Revogado o Máster en Xestión do Desenvolvemento Sustentable da Uvigo

O Diario Oficial de Galicia (DOG) publicou este luns a orde coas revogacións dun...

Cae un mozo 22 anos desde un tellado mentres contemplaba os lumes de Bouzas

Un mozo de 22 anos, con iniciais M.B.G., tivo que ser trasladado polos servizos...