InicioPolíticaEsperpento en Ponteareas entre PP e ACIP que se acusan de romper...

Esperpento en Ponteareas entre PP e ACIP que se acusan de romper as negociacións

PUBLICADO O

Os contactos entre PP e Alternativa Cidadá de Ponteareas (ACIP) para chegar a un acordo de investidura e de goberno nesta localidade seguen sen frutificar, e a candidata ‘popular’ á Alcaldía, Nava Castro, lamentou que os independentes “non asumen o resultado das urnas” o pasado 28 de maio, cando o PP foi o partido máis votado e obtivo 7 edís, fronte aos 4 que manteñen ACIP.

Nun comunicado, Nava Castro responsabilizou a ACIP da falta de acordo, despois de que o partido de Juan Carlos González Carrera rexeitase unha tenencia de Alcaldía e varias concellarías. “Lonxe de asumir os resultados das urnas e de continuar cunha negociación á altura da esixencia política, o grupo de Juan Carlos González mostrouse inflexible e inmobilista”, denunciaron desde o PP.

Nava Castro acusou a ACIP de negarse a seguir dialogando para “chegar a un acordo de estabilidade” en Ponteareas e de rexeitar a oportunidade de “respectar” a vontade dos veciños expresada nos comicios.

SEN “POSIBILIDADE DE DIÁLOGO”

Pola súa banda, Juan Carlos González Carreira recalcou que o encontro mantido nas últimas horas foi solicitado por ACIP, e que o PP en ningún momento facilitou a “posibilidade de diálogo ou de negociación”. Tras sinalar que “é positivo sentar a negociar”, devolveu as acusacións a Nava Castro, da que asegurou que “pechou a porta” a un acordo. “Quen romperon as negociacións foron eles, non nós”, matizou.

ACIP defendeu o respaldo conseguido polos votantes, e reclamou poder “liderar” o goberno de Ponteareas, senón durante ow catro anos, polo menos de maneira rotatoria.

O pasado 28 de maio, o PP resultou o partido máis votado, e pasou de 5 a 7 concelleiros; o BNG, que ostentou a alcaldía no anterior mandato, baixou de 9 a 6 edís; o PSOE baixou de 3 a 2; e ACIP mantivo os seus 4 representantes. Nestes últimos comicios tamén entraron na Corporación Ponteareas en Común e Independentes por Ponteareas, cun concelleiro cada un.

ÚLTIMAS

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...

Policías nacionais denuncian falta de efectivos no Nadal e piden unha vía de emerxencias libre de tráfico

Os sindicatos da Policía Nacional CEP e Jupol denunciaron este xoves falta de axentes na cidade de Vigo para...

Excarceran unha condutora tras saír da vía en Mos

A condutora dun turismo resultou ferida e tivo que ser excarcerada tras saírse da...