InicioPolíticaFernández-Tapias ve a Caballero angustiado por perder 20.000 votos

Fernández-Tapias ve a Caballero angustiado por perder 20.000 votos

A candidata 'popular' lembrou que Abel Caballero perdeu un 20 % dos apoios cultivados hai 4 anos, cando os electores lle outorgaron 20 concelleiros e un 67,6 % dos sufraxios.

PUBLICADO O

A candidata á Alcaldía de Vigo e presidenta do PP local, Marta Fernández Tapias atribuíu o “ataque sen sentido” do alcalde en funcións e candidato socialista, Abel Caballero, ao PP e a ela mesma á “angustia” que xerou no rexedor a perda de 20.000 votos o pasado domingo, e a perda de influencia en institucións como Deputación ou FEMP, e “en dous meses, na Zona Franca”.

Nunhas declaracións remitidas aos medios, Fernández-Tapias sinalou que ese “ataque gratuíto” ten “dúas lecturas”. Por unha banda, “queda patente a arrogancia que lle impide detectar o punto de inflexión rexistrado nestas eleccións” e, por outro, “denota claramente os seus nervios polas presións internas” no seu partido tras a perda de apoio electoral, e tras “perder a Deputación de Pontevedra, a presidencia da FEMP e probablemente estea a piques de perder a Zona Franca”.

A candidata ‘popular’ lembrou que Abel Caballero perdeu un 20 % dos apoios cultivados hai 4 anos, cando os electores lle outorgaron 20 concelleiros e un 67,6 % dos sufraxios (este domingo obtivo o 62,7 % e 19 edís) e “isto marca claramente un cambio de ciclo”, e que os socialistas tamén se quedaron sen maioría na Deputación grazas ao “esforzo” do PP para recuperar tres deputados.

“E aínda por riba xa non presidirá a FEMP, xa non será o alcalde de todos os alcaldes, como lle gustaba presumir, e acabáronse os seus paseos por Madrid para facerse fotos que non tiñan ningún rédito para os seus cidadáns”, proclamou Fernández-Tapias, que engadiu: “Tampouco será o alcalde máis votado de España, nin de Europa nin do mundo, e estou segura de que iso lle produce unha verdadeira angustia”.

A candidata do PP insistiu en que Caballero está a ser “presionado” polo seu propio partido pola “perda de peso específico” nas institucións e porque os socialistas “non esquecen” que o alcalde olívico en funcións fixo campaña en lugares como Mos, O Porriño, Cangas ou Redondela, onde o PSOE perdeu forza fronte ao crecemento do PP.

Finalmente, apuntou que os socialistas “perderán en dous meses a Zona Franca”, como consecuencia dunhas eleccións xerais convocadas “precisamente polo retroceso do PSOE en toda España, en Galicia, en Pontevedra e tamén en Vigo”. “Os números están aí (…), empeza o principio do fin”, sentenciou.

ÚLTIMAS

Vigo rexeita o “caciquismo” do PP na deputación ao “censurar” a relatoras por “causas políticas”

O pleno de Vigo aprobou este venres, cos votos do PSOE e do BNG, unha...

O PPdeG anuncia a “reconstrución” do partido en Vigo “coas mans libres” dos militantes

A xunta xestora do PP de Vigo, presidida por Ana Ortiz, presentouse este mércores formalmente...

Seis adultos e tres nenos quedan atrapados no ascensor Halo, inaugurado o pasado 16 de febrero

Nove persoas, seis adultos e tres nenos, quedáronse atrapados no ascensor Halo de Vigo,...

Capitanía Marítima inspeccionou 723 buques en 2023 e emitiu case 2.000 certificados de navegabilidade

Capitanía Marítima de Vigo inspeccionou o pasado ano un total de 723 buques e...