Un veciño da muller de 72 anos localizada sen vida no interior dunha vivenda situada na parroquia de Tirán, no municipio pontevedrés de Moaña, foi detido pola suposta comisión dun delito de homicidio.

Fontes da Garda Civil confirmaron a Europa Press que a detención deste home, que reside “moi preto” da vivenda na que se atopou o corpo, tivo lugar este domingo. Ademais, realizouse un rexistro na vivenda do detido, que conta cun amplo historial de antecedentes.

Os feitos tiveron lugar este sábado sobre as 15,15 horas, cando as forzas da orde se personaron na vivenda propiedade da vítima, que non representaba a súa primeira residencia, tras recibir un aviso.

En concreto, tiveran constancia do suceso pola central do 112, á súa vez avisada por un familiar que se presentou no fogar. Deste xeito, trasladáronse ao inmoble, en cuxo interior localizaron o corpo sen vida da muller, de 72 anos de idade. Unha da hipótese exposta inicialmente apuntaba a unha posible morte violenta nun intento de asalto á vivenda.