InicioDeportesAspas, o salvador

Aspas, o salvador

España empata con moita dificultade contra Marrocos grazas a un gol de Iago Aspas aos 10 minutos de entrar ao campo.

PUBLICADO O

- Advertisement -

A marabilla do fútbol. Como as cousas cambian nun intre, pequenos detalles que deixan o mundo cabeza abaixo. E ese que apareceu desta vez para cambiar as tornas foi Iago Aspas, quen parecía relegado a un papel aínda máis secundario trala chegada de Fernando Hierro e co bo rendemento de Diego Costa.

Pero, de súpeto, a situación mudou radicalmente. Para el e para todo o combinado español. Foi un gol decisivo (e fermoso, de tacón) do moañés o que permitiu a España puntuar e clasificarse como primeira de grupo, polo que se medirá á anfitrioa do torneo, Rusia.

UN PARTIDO DIFÍCIL

Nin os máis pesimistas esperaban tanto sufrimento. Porque o certo é que Marrocos chegaba á cita con cero puntos, xa eliminada e xogándose nada máis que a honra. Pois non escatimaron esforzos, pelexando cada balón.

E por dúas veces estiveron por diante no marcador, esixindo a España dar o mellor de si mesma para sacar o punto. E gañaba Portugal o outro partido do grupo B. Pero un penalti cando o encontro estaba a piques de rematar, mais o tanto do arqueiro celeste, intercambiaron á ultima hora as primeiras posicións do grupo, polo que serán finalmente os lusos os que deban superar á poderosa Uruguai.

Amosou Marrocos entrega e sacrificio, así como un chisco de sorte, ao materializar case todas das poucas ocasións que tiveron, pero tamén demostraron ser un equipo atético, con xogadores altos e rápidos que tamén sabían elaborar bo fútbol cando non entregaban a España o balón.

Tivemos a posesión en ámbalas partes do encontro, pero as nosas combinacións eran moitas veces previsibles, e a muralla defensiva marroquí soportaba as xogadas de ataque sen moito apuro, exceptuando certo perigo cando era Isco o protagonista.

Selección española/ RFEF

Quedaba pouco máis dun cuarto de hora cando Aspas ingresou na cancha. Parecía pouco tempo para demostrar gran cousa, máis cando nos primeiros minutos fartouse a correr pero pese á súa vontade non tocaba balón.

Entón deu o aviso, participando en dúas grandes internadas do equipo español que puñeron de novo as cartas sobre a mesa, por se facía falta. O que a icona celeste pode aportar: electricidade e xogo en equipo.

Pero o mellor ocorreu algo despois, cando deu o gol do empate. Ao comezo non foi tal e tardou uns minutos en celebralo, por un suposto fóra de xogo que a análise do VAR negou, aínda con algunha dúbida dos comentaristas polo axustado da xogada.

Entón o partido, que ata o momento fora un bonito encontro, con esa paixón e entrega que poden atoparse nun derbi ou nun Clásico, ademais desinteresadas pola parte marroquí, converteuse nunha sucesión de escaramuzas entre varios xogadores.

Por fortuna, o árbitro deu o asubío final, e agora os deberes son para Fernando Hierro, para que analice, dentro da ledicia de ter pasado á seguinte fase, o feito de que unha selección que non se xogaba nada nos puxera contra as cordas.

Pero así é o fútbol, así é un dos mundiais máis axustados que se recordan. Mañá a Arxentina de Messi xógase pasar á seguinte fase.

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

Condenan a 2 anos de cárcere a unha americana que estafou máis de 158.000 dólares a unha firma viguesa de produtos do mar

A sección quinta da Audiencia Provincial de Pontevedra, con sede en Vigo, acolleu este...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...