Ás 10:30 horas do día de onte, unha patrulla desta Policía Local comisionada pola Central de Información e Mando dirixiuse á rúa Ecuador de Vigo onde ao parecer estábase producindo un episodio de violencia de xénero.

Os axentes entrevistáronse no lugar coa persoa que requirira o servizo, a cal manifestou que puido ver como un mozo intentaba meter á forza nun portal a unha muller, á vez que discutían de forma moi acalorada.

A continuación os policías falaron coa parella que protagonizara o episodio, manifestando a muller que pouco antes cando se atopaban no seu domicilio, desencadeouse unha forte discusión coa súa parella, sendo o detonante da mesma, unha canción que ela estaba escoitando no móbil e que  el como non lle gustaba, polo que apagou o dispositivo.

Tras iso e nun momento dado, suxeitouna dos brazos tapándolle a boca coa man, polo que
ela defendeuse cun mordisco para que a soltase, debido a que noutras ocasións lesionouna, segundo manifestou á Policia Local de Vigo.

Seguidamente saíu da vivenda á carreira por medo, ata chegar á vía pública, sendo seguida pola súa parella e ao darlle alcance comezaron nuevamente a discusión, ata que unha cidadá, propietaria dun establecemento ofreceulle entrar no mesmo.

Engadiu ademais que en ocasións tiveron fortes discusións en presenza dun fillo menor que
ten a muller e que o neno chegou a interpoñerse entre eles para defender á súa nai.
A versión ofrecida por el coincidiu coa da súa compañeira, motivo todo iso polo que
procederon á detención deste home, de 19 anos de idade, nado en Cangas  e domiciliado en Vigo, por presunto delito de violencia de xénero.