InicioO MorrazoBueuBueu énchese de libros do Morrazo no seu I Encontro do Libro

Bueu énchese de libros do Morrazo no seu I Encontro do Libro

A inicitativa, organizada polo concello de Bueu, ten como obxectivo amosar á cidadanía a produción literaria do Morrazo.

PUBLICADO O

Máis de 300 exemplares de libros producidos no Morrazo ou que versan sobre esta comarca estarán esta fin de semana en Bueu. O Estaleiro de Purro, situado na Banda do Río, é o escenario elixido para acoller o próximo sábado 28 o I Encontro do Libro da Península do Morrazo.

Nun horario de 11.30h a 14.15h, pola mañá, e de 19.30h a 21.30h, amosaranse na vila unha seleción de exemplares que se poderán consultar e mercar. Nesta iniciativa, organizada polo concello de Bueu, tamén participan os concellos de Cangas, Moaña, Marín e Vilaboa, ademais das librarías locais Abrente, Miranda e Gáidil.

Neste encontro tamén se amosarán as publicacións editadas ou coeditadas polos concellos do Morrazo, iniciativa que se verá complementada por outros eventos culturais como presentacións de libros, conferencias e actuacións musicais.

Entre as actividades previstas para esta xornada, destaca a charla de José Manuel Dopazo acerca do labor editorial do Club Golfiños, a presentación do libro “Matilde”, pola súa escritora Eva Mejuto, a intervención de Manuel Uxío García e a actuación literario-musical da man de Jesús Andrés Tejada sobre os textos de Silvia Penas.

Na tarde do sábado, Xosé Novas, considerado o primeiro alcalde da democracia na vila bueuesa, fará un percorrido polas distintas corporacións municipais na etapa republicana no concello de Bueu. Pola súa Banda, Berlarmino Barreiro, arquiveiro municipal, falará sobre a extensa produción cultural e editorial da vila.

Este evento nace co obxectivo de celebrarse e estenderse nos vindeiros anos, apostando por unha feira itinerante que sexa escaparate dos libros e publicacións dos concellos da comarca.

ÚLTIMAS

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...

Policías nacionais denuncian falta de efectivos no Nadal e piden unha vía de emerxencias libre de tráfico

Os sindicatos da Policía Nacional CEP e Jupol denunciaron este xoves falta de axentes na cidade de Vigo para...

Excarceran unha condutora tras saír da vía en Mos

A condutora dun turismo resultou ferida e tivo que ser excarcerada tras saírse da...