As Tanxugueiras seguen sumando citas despois da súa actuación no polémico BenidormFest. O festival SonRías Baixas vén de facer pública a incorporación das pandeireterias ao cartel desta edición 2022, que se celebrará os días 4, 5 e 6 de agosto en Bueu. Compartirán así festival con Kase.O, Jazz Magnetism, o seu compañeiro de festival Rayden, Arnau Griso,  Balkan Paradise Orchestra e algúns máis.

O trío conformado por Sabela Maneiro, Aida Tarrío e Olaia Maneiro vén avalado por éxitos previos e máis alá de Terra, que supera xa os 10 millóns de reproducións nas plataformas dixitais. Descan así temas como Midas, Figa ou Averno, esta última unha colaboración con Rayden. Dende o festival apuntan que farán públicos nos próximos días novos nomes de artistas que participarán nesta edición do 2020. As entradas pódense mercar na web do festival.