Varios integrantes da Acampada contra a Pobreza de Vigo protagonizaron este martes un tenso enfrontamento co rexedor vigués, Abel Caballero, sobre a situación na que se atopa este colectivo, que leva acampado diante do concello desde hai máis de dous anos e medio.
“Mañán haberá un morto en Vigo e será a súa responsabilidade”, espetoulle o portavoz deste colectivo, Juan Miguel Carollo, ao rexedor que lle pediu en inmuerables ocasións que gardara silencio ou que o ía desaloxar. Finalmente, non foi necesario.
Os integrantes da Acampada contra a Pobreza que estaban no pleno decidiron marchar con duras críticas aos integrantes do goberno municipal e tamén á oposición. “Pídolle a vostede e tamén a oposición que fagan algo para evitar esta morte”, destacou ao tempo que lembrou que hai unha persoa que se atopa en “arresto domiciliario”.
Esta é a secuencia do tenso enfrontamento captado por Xornal de Vigo:
