InicioMedio Ambiente e PatrimonioEcoloxistas denuncian a "masacre" de centos de rás en Teis

Ecoloxistas denuncian a “masacre” de centos de rás en Teis

Ecoloxistas en Acción di que habitaban os estanques do parque de A Riouxa en Teís.

PUBLICADO O

- Advertisement -

Ecoloxistas en Acción denuncia o “nulo respecto pola vida animal” que ten o departamento de Parques e Xardíns do concello de Vigo. Así, nun comunicado denuncia que persoal municipal procedeu estes días a baleirar os estanques do parque de A Riouxa, en Teis, e limpialos con auga a presión e lixivia. Na operación de mantemento non tiveron en conta os centos de anfibios que habitaban nos estanques, que morreron desprovistos do seu hábitat. 

A organización ecoloxista sinala que non é a primeira vez que ocurre isto. Un ano atrás, tamén provocou a indignación da veciñanza de Navia cando operarios do concello deixaron morrer moreas de peixes ao baleirar os estanques de dito barrio.

“A Riouxa era un dos últimos parques onde se podía escoitar o croar das rás, xa que foron desaparendo dos estanques dos parques da cidade por este xeito agresivo de realizar o mantemento mediante baleirado e limpeza con lixivia e auga a presión”, indica. Ecoloxistas en Acción alerta de que os anfibios están sufrindo unha “extinción masiva“, acentuada pola perda de ecosistemas. Por iso os estanques e puntos de auga deberían preservarse e identificar coma zonas de especial importancia para a biodiversidade na cidade.

A organización ecoloxista demanda a concelllo de Vigo un cambio drástico no seu proceder. A vida tanto de árbores como de animais merece un respecto. Subliñan que non se pode acometer ningunha actuación sen antes considerar o seu impacto sobre o hábitat e adoptar así medidas necesarias para preservar a vida que nel habita.

ÚLTIMAS

Ordenan prisión para o home que quixo queimar a casa da súa exmuller en Tomiño coa súa filla dentro

O xulgado de instrución número 1 de Tui acordou o ingreso en prisión provisional,...

Arremeten contra unha xornalista no terceiro intento de desaloxo da casa ocupada na rúa Pardavila

Unha muller que estaba a ser desaloxada dunha casa ocupada desde hai anos en...

A Asociación de Dano Cerebral Alento preparará a tortilla máis grande da historia de Vigo” polo seu 25 aniversario

A Asociación de Dano Cerebral Alento elaborará este sábado a tortilla "máis grande da...

O BNG levará unha moción ao Pleno de Vigo para pedir a condena das “accións genocidas” de Israel en Gaza

O grupo municipal do BNG no Concello de Vigo levará unha moción para o...