InicioCondado-ParadantaO Castelo de Sobroso estrea musealización

O Castelo de Sobroso estrea musealización

Recrea a historia desta fortaleza e da súa contorna.

PUBLICADO O

O Castelo de Sobroso estreará este próximo luns, día 4, unha innovadora musealización, que recrea a historia desta fortaleza e da súa contorna, co obxectivo de pór en valor os recursos turísticos da comarca na que se asenta.

Con iso, Sobroso únese a Soutomaior como aposta da Deputación de Pontevedra por potenciar os espazos fortificados musealizados da provincia como polo de atracción turística.

A presidenta da Deputación, Carmela Silva, xunto á alcaldesa de Ponteareas, Cristina Fernández, e rexedores dos concellos de toda a comarca de Condado-Paradanta, participarán a partir das 11,00 horas no acto do trinque da musealización, no que tamén estarán blogueiros e instagramers de turismo, que coñecerán a intervención na que a Deputación investiu 261.224 euros.

A musealización do Castelo de Sobroso está baseada nunha intervención vivencial, onde, en cada espazo, as persoas visitantes serán sorprendidas por un espectáculo audiovisual diferente, no que as personaxes e sensacións tomarán o protagonismo para revivir diferentes historias ao longo de toda a visita, mantendo dous fitos no relato como é a recuperación da tradición oral.

Deste xeito, no transcurso da visita á fortaleza, as persoas visitantes poderán descubrir a relación da raíña Urraca ou a raíña Isabel de Portugal co Castelo de Sobroso, ou o papel do xornalista Alejo Carrera na súa rehabilitación como espazo residencial na primeira metade do século XX.

ÚLTIMAS

Vigo rexeita o “caciquismo” do PP na deputación ao “censurar” a relatoras por “causas políticas”

O pleno de Vigo aprobou este venres, cos votos do PSOE e do BNG, unha...

O PPdeG anuncia a “reconstrución” do partido en Vigo “coas mans libres” dos militantes

A xunta xestora do PP de Vigo, presidida por Ana Ortiz, presentouse este mércores formalmente...

Seis adultos e tres nenos quedan atrapados no ascensor Halo, inaugurado o pasado 16 de febrero

Nove persoas, seis adultos e tres nenos, quedáronse atrapados no ascensor Halo de Vigo,...

Capitanía Marítima inspeccionou 723 buques en 2023 e emitiu case 2.000 certificados de navegabilidade

Capitanía Marítima de Vigo inspeccionou o pasado ano un total de 723 buques e...