Nesta alegre estación, as altas temperaturas e a chegada (para moitos, mais non todos) das vacacións non son escusa para desatendernos das nosas mascotas, que precisan da mesma atención todo o ano. Deste xeito, non está de mais este vídeo da Garda Civil, compartido recentemente polo partido animalista PACMA.

Nel, pode verse a un can loitar para non asfixiarse dentro dun coche. Ten que ser rescatado por varios membros do corpo de seguridade, tras romper as ventás do vehículo onde fora “abandonado” o animaliño, abafado aínda uns minutos despois polo forte calor. Por fortuna, a súa vida foi salvada.