Os catro illotes que forman parte do Parque Nacional das Illas Atlánticas acollerán ata o 17 de setembro actividades de observación astronómica. Estas desenvólvense desde o pasado 11 de agosto no marco da iniciativa ‘Starlight’, un sistema de certificación turística mundial que busca a protección do ceo nocturno ante a contaminación lumínica.
As persoas que desexen participar poderán inscribirse na caseta de información e cada sesión contará cun aforamento máximo de 20 persoas, que terán que usar obrigatoriamente máscara e xel hidroalcohólico para o lavado de mans.
As actividades, case corenta xornadas, levarán a cabo no Queimadoiro e na Pedra da Campá nas Cíes e no Centro de Interpretación e en Caniveliñas, en Ons.
As xornadas de observación solar organizaranse entre as 13,30 horas e as 14,00 horas, e as nocturas entre as 23,00 e as 00,00 horas.
O Parque Nacional das Illas Atlánticas foi declarado destino ‘Starlight’ en 2016, e máis de 71.000 persoas achegáronse desde entón ao programa de actividades de observación e divulgación astronómica. O pasado verán lográronse 22.475 visitas, en termos similares ao ano precedente.
