InicioMedio Ambiente e PatrimonioA navegabilidade do río Miño, o gran obxectivo entre Galicia e o...

A navegabilidade do río Miño, o gran obxectivo entre Galicia e o norte de Portugal

Un novo proxecto europeo pretende aumentar a navegación durante 16 quilómetros, entre Tui e Salvaterra do Miño..

PUBLICADO O

A melloría da navegabilidade do río Miño, a creación de percorridos turísticos de barco ou a promoción do deporte fluvial son algunhas accións previstas nun novo proxecto transfronteirizo, “Río Miño: Un Destino navegable” que conta cun investimento superior a 1,1 millóns de euros.

No marco desta iniciativa están previstas intervencións nun treito de 16 quilómetros do Miño, entre a ponte internacional que liga Valença a Tui e a que une Monção e Salvaterra do Miño, para crear “as condicións ideais para a relación de actividades náuticas de lecer e turismo no río Miño”.

“Preténdese lanzar unha serie de accións, por etapas, que permitirán, nunha segunda fase, a creación de circuítos turísticos navegables, onde o barco será o principal medio de transporte e o río o patrimonio cultural e natural asociado”, explican os promotores do proxecto na candidatura presentado ao Fondo Europeo de Desenvolvemento Rexional (FEDER).

OUTRAS ACTIVIDADES

Neste sentido, o programa vai permitir a creación de pequenos peiraos flutuantes nos concellos envolvidos; visitas programadas ás fortalezas da raia, aos centros históricos, adegas de viño Alvariño, equipamentos culturais, pesqueiras; promover obradoiros e conferencias relacionadas co río; e incentivar a práctica de deportes como caiaque, canoa ou “stand up paddle”, entre outros.

O proxecto, que se prolonga durante catro anos, está dentro do Programa INTERREG V España- Portugal (POCTEP) 2014-2020, con fondos europeos, tendo como socios portugueses os municipios de Monção e Valença, no distrito de Viana do Castelo, e os concellos de Tui e Salvaterra do Miño, na provincia de Pontevedra.

Tamén forma parte deste proxecto transfronteirizo a Dirección Xeral do Patrimonio Natural da Xunta de Galicia, a Axencia de Turismo de Galiza e a entidade rexional de Turismo Porto e Norte de Portugal (TPNP).

Este proxecto vai proporcionar un conxunto de experiencias e descubrimentos nos catro municipios que, certamente, contribuirán para facer desta rexión un espazo privilexiado para a pasaxe de momentos agradábeis tanto en contexto familiar como en grupos de amigos”, afirmou o alcalde da Monção na Axencia Lusa.

ÚLTIMAS

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...

Outro accidente múltiple no túnel da Madroa causa retencións na AP-9 en Vigo

Un accidente múltiple rexistrado á primeira hora deste xoves na AP-9 causou importantes retencións no...