InicioMedio Ambiente e PatrimonioAlegan "mal tempo" para suspender a celebración do Samaín na Illa de...

Alegan “mal tempo” para suspender a celebración do Samaín na Illa de San Simón

A Naviera Piratas de Navia di que non houbo presións pero Iniciativa Galega pola Memoria atribúe a cancelación á "marea de indignación".

PUBLICADO O

- Advertisement -

A naviera Piratas de Nabia cancelou a celebración de Samaín prevista para este xoves na illa de San Simón, segundo confirmaron fontes da empresa, que puntualizaron que a suspensión do evento débese “unicamente” ás malas condicións meteorolóxicas previstas.

O anuncio da celebración desta festa desatou as críticas de colectivos pola memoria histórica, que reclamaron á Xunta que prohibise o uso dese espazo (que albergou a miles de presos represaliados polo franquismo ao longo de varios anos) como un “parque de atraccións”.

Piratas de Nabia explicou que as malas condicións meteorolóxicas foron o motivo da cancelación, que será notificada aos clientes, como se fai “habitualmente” cando se suspende unha viaxe en barco polo mal tempo. Así mesmo, incidiron en que a autorización que a Xunta lles deu para celebrar Samaín en San Simón non foi revogada.

“SATISFACCIÓN”

Mentres, Iniciativa Galega pola Memoria mostrou a súa “satisfacción” por esta decisión e, a pesar do que alega a empresa, atribuírona á “marea de indignación democrática” xerada tras anunciarse unha actividade “totalmente irrespetuosa coas vítimas, as súas familias e a sociedade en conxunto”.

Este colectivo reiterou a súa petición de que San Simón se converta nunha “Illa da Memoria”, cun plan de usos e actividades adecuados á súa historia como campo de concentración franquista.

ÚLTIMAS

Axentes e funcionarios denuncian as condicións “extremas” de calor na Comisaría de Vigo

Medio centenar de axentes e funcionarios da Comisaría de Vigo-Redondela, convocados polos sindicatos policiais...

Detido en Vigo por unha agresión á súa parella

Axentes da Policía Local de Vigo detiveron a un home de 47 anos de...

Confirmados 4 anos de cárcere para un home que extorsionou a unha muller

O Tribunal Superior de Xustiza de Galicia (TSXG) confirmou a sentenza da sección quinta...

OPINIÓN.- Riscos ambientais e patrimonio local na Barroca de Navia

As ondas de calor soportadas no mes de xuño mostran con claridade a anomalía...