InicioMedio Ambiente e PatrimonioAbel Caballero cualifica de "ridículo cósmico" a candidatura das Illas Atlánticas a...

Abel Caballero cualifica de “ridículo cósmico” a candidatura das Illas Atlánticas a Patrimonio da Humanidade

O alcalde de Vigo carga de novo contra a candidatura que promove a Xunta e defende o proxecto impulsado polo Concello para declarar Patrimonio da Humanidade unicamente as Illas Cíes.

PUBLICADO O

- Advertisement -

O alcalde de Vigo, Abel Caballero, criticou este luns o “ridículo cósmico” que, ao seu xuízo, están a facer Feijóo e o seu goberno ao manter a candidatura das Illas Atlánticas a Patrimonio da Humanidade, á que “se lle apiñan os problemas” e que foi “improvisada” para obstaculizar o proxecto impulsado polo Concello de Vigo para declarar Patrimonio da Humanidade unicamente as Illas Cíes.

O rexedor olívico constatou que a candidatura da Xunta, ademais de ter “a oposición firme do Concello de Vigo”, foi tamén rexeitada polos insulars de Ons, que “están indignados” e non queren ese recoñecemento, dixo. “A foto das pancartas nas xanelas de Ons (pedindo que se respecten os seus dereitos e rexeitando ser Patrimonio da Humanidade) son demoledoras”, apostilou.

A iso sumar, indicou Abel Caballero, a constatación de que existe, preto de Sálvora e de Ons, “unha montaña de 25 metros de altura de verteduras submarinas” –segundo información publicada hai uns días por El País–. “Unha montaña de residuos nunha rede protexida, e queren que sexa Patrimonio da Humanidade”, sinalou o alcalde, quen recalcou que, ademais, a Xunta “pretende baleirar alí outros 330.000 metros cúbicos de material que van sacar da desembocadura do Lérez”.

Por todo isto, o alcalde de Vigo insistiu en que a Xunta debe retirar esa candidatura, e así o pedirá formalmente por carta a Núñez Feijóo, e reiterou que, mentres que a candidatura de Cíes conta con apoio social e informes científicos, a promovida polo goberno autonómico non ten “nin un apoio”.

ÚLTIMAS

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...

O cidadán “exemplar” de Vigo: entrega á Policía 400 euros que atopou no caixeiro

Un cidadán entregou á Policía Nacional 400 euros que atopara na rañura dun caixeiro...

O RC Celta de Vigo multado con 5.000 euros por vender alcol nos palcos VIP

A Comisión Permanente da Comisión Estatal contra a Violencia, o Racismo, a Xenofobia e...