InicioMedio Ambiente e PatrimonioCans presos de por vida no Morrazo

Cans presos de por vida no Morrazo

Asociacións animalistas coma Libera! ou a Fundación Franz Weber veñen de denunciar esta práctica e propoñer sancións específicas. Manteñen unha páxina web, rompesucadena.info, para que os cidadáns declaren os casos que coñezan.

PUBLICADO O

Os colectivos animalistas claman pola erradicación do apresamento continuado de animais, con cadeas e cordas, e a limitación extrema de movementos, localizada nesta ocasión nun dos municipios da comarca do Morrazo.

A través de avisos anónimos á páxina web www.rompesucadena.info, a Asociación Animalista Libera e a Fundación Franz Weber comproban a presenza de cans atados sen refuxio nin alimentación adecuados.

Os animalistas sinalaron que ademais dunha potencial infracción de carácter grave pola cadea, que pode sancionarse con ata 5.000 euros, é habitual que estes achados inclúan faltas de identificación do animal, carencia de atención veterinaria regular e condicións hixiénicas básicas.

De forma paralela, as asociacións sinalan que a continuidade destas situacións fai urxente o desenrolo dunha campaña específica de sensibilización por parte da Xunta e os concellos da comarca do Morrazo, onde aseguran que é habitual ver cans presos de forma continuada.

Así, FFW e LIBERA! expoñen á Mancomunidade do Morrazo o deseño e difusión dunha iniciativa informativa, para tratar de combater estas prácticas de maltrato con más conciencia cidadá, fomentando as denuncias e o cambio das condicións nas que atopan aos animais.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...