A Dirección Xeral de Patrimonio Cultural, dependente da Consellería de Cultura, Lingua e Xuventude, informou favorablemente ao Concello de Vigo sobre o proxecto para a urbanización dun tramo da rúa Serafín Avendaño, o máis próximo ao novo ascensor Halo. O departamento autonómico responde así á administración local sobre o expediente de obras de humanización da devandita rúa. Segundo recolle, a resolución de Patrimonio dá por terminada a intervención de sondaxes arqueolóxicas dos movementos de terras na obra, que vai desde a avenida García Barbón ata o Halo.

“Non hai inconveniente, desde o punto de vista arqueolóxico, para o inicio das obras de urbanización proxectadas. Por iso, dada a entidade e extensión da intervención, con áreas non rexistradas, resulta necesario continuar coa fase de control arqueolóxico dos movementos de terras, previsto no proxecto arqueolóxico”, sinala Patrimonio, segundo recolle a Xunta nun comunicado.