InicioMedio Ambiente e PatrimonioDenuncian vertidos fecais nos mananciais da traída de Mos dende a Cidade...

Denuncian vertidos fecais nos mananciais da traída de Mos dende a Cidade Deportiva do Celta

Ecoloxistas en Acción critica que "se está poñendo en risco a saúde das familias que se abastecen da auga ddos pozos que se atopan baixo a vertedura".

PUBLICADO O

- Advertisement -

A organización Ecoloxistas en Acción denunciou ante a Confederación Hidrográfica Miño-Sil a existencia dun emisario de augas fecais que verte sobre os mananciais das traídas de augas veciñais en Mos, procedente da Cidade Deportiva do Celta.

Nun comunicado, Ecoloxistas en Acción expón que encargou unha análise a un laboratorio autorizado nos que se confirma que a vertedura “ten unha carga de fecais que supera en 35 veces o máximo permitido”. “Grazas á alerta dun veciño, detectouse esta tubaxe de gran diámetro que sae soterrada do alxibe de desperdicios da cidade deportiva do Celta, e cuxa boca está escondida entre matogueiras”, sinala a organización. Tras o aviso deste veciño, Ecoloxistas inspeccionou o perímetreo nordeste que limita co monte de Tameiga, e localizou unha tubaxe de gran diámetro, que sae as instalacións do club e que “verte a uns metros ladeira abaixo, coa boca do tubo escondida entre arbustos”.

Segundo denunciou, esta zona de vertedura está “a poucos metros” de varios pozos de extracción das traídas de augas veciñais de Mos, que abastecen a gran parte dos fogares das parroquias de Tameiga, Petelos e Sanguiñeda. Por iso, a organización encargou a realización dun estudo a un laboratorio, cuxos resultados evidencian que esa vertedura contén unha alta concentración de coliformes fecais (3.600 ufc/100 ml, cando o máximo permitido é de 100), e tamén altas concentracións de enterococos e estreptococos, ou de escherichia coli.

Ecoloxistas en Acción puxo os feitos en coñecemento da Confederación Hidrográfica Miño-Sil, porque se está “poñendo en risco a saúde das familias que se abastacen da auga dos pozos que se atopan ladeira abaixo da vertedura“. Igualmente, informou á plataforma ‘A auga é vida’ e á Comunidade de Montes de Tameiga.

A enxeñeira forestal e portavoz da organización ecoloxista, Elena Álvarez subliñou que “o Celta coñece dabondo a existencia dos mananciais e captacións de auga das traídas”, e a pesar diso fai unha “vertedura continuado con alta carga de fecais” que “é unha ameaza”. “Isto é un delito ambiental, pero tamén un atentado contra a saúde pública que levaremos ante a xustiza”, advertiu.

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...