InicioMedio Ambiente e PatrimonioRetiran dúas toneladas de lixo dos fondos mariños de Bouzas

Retiran dúas toneladas de lixo dos fondos mariños de Bouzas

Entre eles, 25 pneumáticos extraviados dos que se colocan nas embarcacións para as operacións de atracada. Así mesmo, localizaron outra serie de obxectos como botes e botellas de plástico e de vidro, dous móbiles, un extintor e outros obxectos plásticos non identificables.

PUBLICADO O

- Advertisement -

Un total de 44 persoas, entre mergulladores e persoal de apoio, participaron nunha nova iniciativa de Afundación coa que retiraron dúas toneladas de lixo dos fondos mariños de Bouzas, en Vigo. As inmersións, nas que participaron submarinistas da Confraría de pescadores de Vigo-Mariña Deportiva de Bouzas, da Asociación de Mariñeiros Artesanais e Deportivos San Miguel de Bouzas e do Liceo Marítimo de Bouzas, desenvolvéronse na mañá deste sábado.

Segundo informou Afundación, tras as tarefas de clasificación e pesada coas que concluíu a actividade, contabilizaron dúas toneladas de residuos retirados. Entre eles, 25 pneumáticos extraviados dos que se colocan nas embarcacións para as operacións de atracada e diferentes aparellos relacionados coa actividade pesqueira, como aboias, cubos, restos de cabos e cordas, nasas e redes.

Así mesmo, localizaron outra serie de obxectos como botes e botellas de plástico e de vidro, dous móbiles, un extintor e outros obxectos plásticos non identificables. Tras esta nova xornada de limpeza, son xa máis de 18 as toneladas de lixo mariño retiradas no marco deste programa no que vai de tempada en fondos portuarios, marisqueiros e outros enclaves e areais de Galicia, superando xa as 70 toneladas desde que se puxo en marcha esta iniciativa ambiental que este ano está na súa cuarta edición.

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...