InicioMedio Ambiente e PatrimonioPorto de Vigo abre unha fiestra de 19 metros para ver o...

Porto de Vigo abre unha fiestra de 19 metros para ver o fondo da ría pero só estará aberta venres e fin de semana

A Xunta di que o novo visor e as estruturas que o complementan buscan converter os peiraos do Porto de Vigo en lugares "ecolóxicos".

PUBLICADO O

O Porto de Vigo abriu este venres o seu novo observatorio submarino ‘Nautilus’, que está situado na dársena da Laxe e conta cunha ventá de 19 metros de longo para observar o fondo da ría olívica.

Esta infraestrutura forma parte dun conxunto de 300 metros cadrados de superficie que inclúe tres pantaláns e dúas ramplas de acceso a pé de rúa. Xunto a el, instaláronse 330 metros cadrados de paneis de deseño inclusivo da natureza desenvolvidos por ECOncrete que recrean hábitats naturais e está dotado de cámaras de gravación submarina 24 horas ao día.

“Todo este corredor flotante permitirá á cidadanía contemplar a flora e a fauna, tanto intermareal como submarina, que rodea o litoral portuario e que colonizará nos próximos meses estas estruturas innovadoras”, indicou a Autoridade Portuaria nun comunicado.

O observatorio poderá ser visitado de forma gratuíta os venres, en horario de 16,00 horas a 20,00 horas, así como os sábados, domingos e festivos de 10,00 a 13,00 horas e de 16,00 a 20,00 horas. No acto de inauguración deste novo observatorio submarino participaron o presidente do Porto, Jesús Vázquez Almuiña; a conselleira do Mar, Rosa Quintana, e a delegada da Xunta en Vigo, Marta Fernández-Tapias, entre outros.

O novo visor e as estruturas que o complementan buscan converter os peiraos do Porto de Vigo en lugares “ecolóxicos”, coa intención de dar un paso máis dentro do compromiso da institución co “desenvolvemento sustentable”.

ÚLTIMAS

Rescatado o corpo sen vida dun home despois dun accidente co seu kaiak en Fornelos de Montes

Os Bombeiros do Porriño rescataron o corpo sen vida dun home tras sufrir un...

Máis de mil persoas de loito en Moaña para reclamar o regreso do PAC ao concello

Máis dun milleiro de persoas volveron a saír á rúa vestidas de loito no...

O PP vigués acusa ao Goberno local de non tomar nota por repetirse “os atascos monumentais” do pasado Nadal

O concelleiro do PP de Vigo Fernando G. Abeijón reprochou ao Goberno local que...

Arde un alboio en Gondomar sen que houbesen danos persoais

Un incendio calcinou por completo un alboio do lugar de Paraboa, na parroquia de...