InicioEconomíaOs socialistas reivindican "intensificar as axudas" a Stellantis Vigo

Os socialistas reivindican “intensificar as axudas” a Stellantis Vigo

Formoso celebra a "magnífica noticia" que supón o anuncio do Goberno central de integrar a solicitude do grupo automobilístico nas axudas do Proxecto Estratéxico para a Recuperación e Transformación Económica (Perte) do vehículo eléctrico e conectado.

PUBLICADO O

O secretario xeral do PSdeG, Valentín González Formoso, destacou este martes a “magnífica nova” que supón o anuncio do Goberno de integrar a solicitude do grupo automobilístico Stellantis nas axudas do Proxecto Estratéxico para a Recuperación e Transformación Económica (Perte) do vehículo eléctrico e conectado.

Así o sinalou Formoso na súa visita ao Centro Tecnolóxico de Automoción de Galicia (CTAG) do Porriño, onde reivindicou a importancia de “intensificar as axudas” que permitan a asignación a este centro de produción da nova plataforma eléctrica no ano 2024.

Formoso subliñou que a factoría viguesa emprega miles de persoas e “arrastra indirectamente todo o tecido produtivo de Galicia”. Por iso, destacou o apoio “intenso” dos socialistas galegos a este “polo industrial estratéxico” para toda Galicia.

O líder do PSdeG solicitou tamén ao Executivo que permita a conexión eléctrica de moi alta tensión á planta viguesa, para garantir a supresión de microcortes de enerxía que supoñen “perdas económicas moi importantes nun mundo tan competitivo como é o do automóbil a nivel mundial”.

ÚLTIMAS

Vigo rexistra as máximas choivas de España nunha semana na que os encoros galegos seguen ao 88%

A reserva dos encoros galegos mantense no 87,6%, cun total de 3.253 hectómetros cúbicos,...

Luz verde do Consello de Ministros á modificación que permite a conexión de moi alta tensión para Stellantis Vigo

O Consello de Ministros aprobou este martes a modificación puntual ao Plan de Desenvolvemento...

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

A CIG denuncia que Constellium Automotive está “a vulnerar o dereito á folga” ao contratar persoal externo

O sindicato CIG denunciou este martes que a dirección de Constellium Automotive, auxiliar de...