InicioEconomíaPontevedra, a única provincia que perde afiliados á Seguridade Social en marzo

Pontevedra, a única provincia que perde afiliados á Seguridade Social en marzo

A Seguridade Social gañou unha media de 2.311 cotizantes no mes de marzo en Galicia.

PUBLICADO O

- Advertisement -

Seguridade Social gañou unha media de 2.311 cotizantes no mes de marzo en Galicia, o que supón un 0,23% máis que no mes anterior, ata alcanzar os 1.028.457 afiliados en Galicia. Segundo datos publicados este luns polo Ministerio de Inclusión, Seguridade Social e Migracións, recollidos por Europa Press, no último ano Galicia gañou 29.724 cotizantes, o que supón un 2,98% máis.

En concreto, todas as provincias galegas gañaron afiliados en marzo excepto Pontevedra, onde o número de cotizantes baixou en 400 persoas, ata 359.222 afiliados. Pola súa banda, na Coruña incrementáronse en 2.373 persoas, ata 444.204 cotizantes. Tamén en Lugo a Seguridade Social gañou 210 afiliados, ata 122.090 persoas, e en Ourense este dato foi de +127, ata 102.942 afiliados.

DATOS NACIONAIS

A nivel estatal, a Seguridade Social gañou unha media de 140.232 cotizantes no mellor mes de marzo desde 2019 a pesar da guerra en Ucraína e ao paro vivido no sector do transporte que, aínda que se deixou notar nalgúns días do mes, acabou rexistrando un comportamento similar ao doutros anos previos á pandemia.

Con este repunte de afiliados, o número total de ocupados situouse ao finalizar marzo en 19.834.504 cotizantes, sempre segundo datos do Ministerio, que destacou que este repunte da ocupación está “en liña co crecemento habitual dos meses de marzo”.

ÚLTIMAS

Falece un mozo en Vigo tras ter un accidente cunha carretilla elevadora

Un mozo de 24 anos de idade faleceu este xoves en Vigo tras sufrir...

Un ano de cárcere por deixar morrer de fame a cinco cans en Gondomar

Un home aceptou este xoves un ano de cárcere por deixar morrer de fame...

Nova imaxe gráfica do Marisquiño 2024, unha homenaxe aos adhesivos dos 90 no grafiti e ‘skate’

Os artistas Nano4814 e Sekone foron os encargados de deseñar a imaxe gráfica do...

Detido un mozo de 18 anos por roldar a vivenda dunha muller sobre a cal tiña unha orde de afastamento

A Policía Local de Vigo detivo na tarde deste pasado mércores a un mozo, S.G.B. de...