InicioEconomíaCaballero insiste en que non dará 'luz verde' á construción de 733...

Caballero insiste en que non dará ‘luz verde’ á construción de 733 vivendas en Navia se non hai instituto

A Xunta anunciou que licitará en febreiro por 11 millóns de euros as obras de urbanización dos 100.000 metros cadrados do primeiro polígono de San Paio de Navia.

PUBLICADO O

O alcalde de Vigo, Abel Caballero, volveu insistir en que o Concello non dará ‘luz verde’ á construción da primeira fase da ampliación do barrio de Navia, que constará de 733 vivendas, se non se cumpren as esixencias que marca, como que haxa un novo instituto.

O rexedor dixo que o Goberno galego ten que facer algúns cambios de mellora no plan que presentou e cumprir todas as esixencias que impoñen desde o Concello para que o aprobe.

Caballero insistiu en que Navia debe ter un instituto propio, porque para el os mozos do barrio non poden desprazarse 8 quilómetros ata Valladares, a pesar de que o IES Valladares dispón de bus e o traxecto non chega aos 15 minutos xa que se fai pola VG-20.

Tamén lamentou que na anterior actuación en Navia atopáronse “moitos danos”, como que as beirarrúas están “todas rotas” a pesar de que pasaron 15 anos. Caballero engadiu que se a Xunta fai o que se lle pide, “nun día” podería ter os permisos.

Todo iso despois de que a Xunta anunciase este xoves que licitará en febreiro por 11 millóns de euros as obras de urbanización dos 100.000 metros cadrados do primeiro polígono de San Paio de Navia, que contará con 733 vivendas das 1.600 previstas para o total do tres polígonos que se construirán.

O Executivo autonómico decidiu así licitar as obras sen esperar o visto e prace do Concello, asegurando que foi en abril do ano pasado cando pediu o permiso e xa se cumpren os requisitos esixidos.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...