O Concello de Tui levará as súas propsotas á Feira Internacional de Turismo (Fitur), que dende este mércores 19 até o domingo 23 se terá lugar en Madrid. O consistorio prepara catro liñas de actuación para deixar pegada da vila do Baixo Miño nunha das maiores citas internacionais do turismo.

Á cita acudirá tamén o rexedor Enrique Cabaleiro, que ten previsto desprazarase este mércores e xoves a Madrid para participar nas distintas actividades nas que Tui estará presente “con protagonismo propio”, explican.

Tui estrearase no Fitur –esta é a súa primeira edición– facendo fincapé, por unha banda, no atractivo do Miño como destino “navegable”, iniciativa compartida con Salvaterra do Miño e Turismo de Galicia. Á parte do Camiño de Santiago, o outro gran atractivo da vila correrá ao cargo do seu pasado e patrimonio xudeu, que destacará tanto de parte doutros concellos galegos como na presentación do libro “Destinos de Sefarad”, segundo da colección da Rede de Xuderías, que participa na Feira por cuarto ano consecutivo.

A deste ano 2022 é a primeira ocasión na que Tui está presente en ata catro eventos nesta feira de singular transcendencia para o sector turístico. Dende o Concello destacan a “importante aposta” realizada en prol da “divulgación e promoción dos recursos turísticos” da vila.