InicioEconomíaUGT esixe a Barreras que presente un plan de negocio

UGT esixe a Barreras que presente un plan de negocio

O sindicato tamén pide ao Ministerio de Industria que se involucre na busca dunha "solución" que permita retomar a actividade do estaleiro.

PUBLICADO O

Representantes de UGT-FICA reuníronse co director xeral de Industria e da Pequena e Mediana Empresa, Galo Gutiérrez, para abordar a situación de Barreras e buscar unha “solución” que permita retomar a súa actividade, mentres urxiron ao estaleiro a presentación dun plan de negocio.

Segundo explicou a central sindicalista, con maioría no comité de empresa, trasladaron ao director xeral a necesidade de “centrar os reforzos en recuperar a actividade nas bancadas de Beiramar” despois de que o cruceiro ‘Evrima’ fose trasladado a Santander para traballos de pintura.

Aínda que considerou que a situación de financiamento do buque “parece estar canalizada”, o sindicato remarcou que este aspecto non resulta “suficiente para apontoar o futuro do estaleiro”, en mans da división de cruceiros de luxo de Ritz-Carlton. Para iso, remarcou que “todos os actores principais deben dar un paso á fronte” e, en primeiro lugar, “a propia dirección do estaleiro presentando o seu plan de negocio”.

Así as cousas, UGT-FICA apostou por unha “colaboración” entre a empresa, a Xunta, o Ministerio e axentes sociais que permita “buscar unha solución firme que garanta o emprego na factoría e reactive a industria auxiliar”.

Deste xeito, chamou a “non facerse trampas ao solitario” e a “dar cunha verdadeira solución que garanta a empregabilidade dos traballadores do estaleiro” e “permita a reactivación da industria auxiliar”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...