O Concello de Vigo porá en marcha unha campaña de promoción para apoiar o pequeno e mediano comercio, animando aos cidadáns a consumir nos negocios dos seus barrios porque “o que se gasta en Vigo queda en Vigo”.

Así o trasladou o alcalde Abel Caballero tras reunirse con responsables do sector. Explicou que esta campaña pretende pór en valor tres conceptos: “a confianza, a seguridade e a calidade” do pequeno e mediano comercio.

Para iso, divulgaranse mensaxes en medios de comunicación e tamén en cartelaría nos espazos públicos, con lemas como ‘Compra no comercio de Vigo. No comercio dá túa rúa, do teu barrio, atoparás o mellor’, ‘Confianza, seguridade e garantía’ ou ‘Todo ou que gastas queda en Vigo’.

Ademais da promoción publicitaria, o Concello prevé reforzar a súa mensaxe coa realización de actividades culturais e de dinamización nas diferentes zonas comerciais da cidade, “sempre con garantía COVID”, e facilitaranse os desprazamentos a estas áreas mediante o bus turístico.