A promotora inmobiliaria AEDAS Homes desembarca en Galicia co arranque das obras da súa promoción Ponte, en Vigo, que constará de 48 vivendas cuxa entrega está prevista para principios de 2023.
Este primeiro proxecto de AEDAS Homes en Galicia está situado na zona de Rosalía de Castro, e inclúe vivendas de diferentes tipoloxías desde 186.000 euros.
A inmobiliaria asegura nun comunicado que Ponte é unha das poucas promocións de Vigo que conta con sistema de aerotermia e ten, ademais, o selo de sustentabilidade Ecoliving, o que supón “unha elevada cualificación enerxética”.
AEDAS Homes é unha empresa cotizada en Bolsa desde 2017 que está presente nas principais cidades de 13 provincias, como Madrid, Alacante, Valencia, Sevilla, Zaragoza, Pamplona, Valladolid ou Málaga.
