O Administrador de Infraestruturas Ferroviarias (Adif) sacou a poxa pública tres inmobles da súa propiedade en Galicia; dous no centro de Vigo e unha vivenda con parcela comunitaria en Boborás (Ourense).

O prezo mínimo de licitación varía segundo o inmoble. Deste xeito, a vivenda de Boborás ten un prezo de saída de 32.000 euros, mentres que os dous inmobles de Vigo van a poxa a partir dos 170.013 euros e os 233.967 euros.

O prazo de presentación para as ofertas xa está aberto e termina o próximo 15 de decembro ás 12,00 horas. Os inmobles mostraranse aos interesados o día 2 de decembro, a partir das 11,00 horas. Necesítase cita previa, a través do teléfono 981 16 42 90.

As condicións da poxa atópanse a disposición dos interesados nas oficinas da Xerencia de Área Noroeste-Xefatura de Patrimonio e Urbanismo de Galicia, na estación de Adif de A Coruña-San Cristóbal, en horario de luns a venres de 10,00 a 14,00horas. Tamén se pode acceder á información na páxina web de Adif.