A compañía automobilística Peugeot destacou a polivalencia do seu modelo Rifter, fabricado na planta de Vigo do Grupo PSA, polo que destacou a versión camper do vehículo, realizada en colaboración co especialista en camperización Tinkervan, que inclúe colchóns e mesa plegable, entre outros elementos.

Tal como indicou Peugeot nun comunicado, este automóbil pode equiparse, segundo versións, con colchóns de viscolástica a xogo coa tapicería, asentos xiratorios, mesa pregable ou neveira.

“A versatilidade do Peugeot Rifter by Tinkervan tamén pode verse na súa incríble modularidade. En cuestión de minutos, pasa de ser un turismo de cinco prazas a un camper totalmente preparado“, subliñou a firma francesa. Neste sentido, Peugeot tamén destacou a polivalencia do Rifter na súa versión non camperizada, que se pode elixir entre dúas lonxitudes con cinco ou sete prazas.

O novo Peugeot Rifter fabricado en Vigo está dispoñible no mercado español por un prezo que parte dos 16.020 euros.