As cooperativas de consumo de productos ecolóxicos aumentaron a súa oferta nos útlimos anos. Un exemplo é a Aldea Integral, Sociedade Cooperativa Galega, situada en Cabral, en Vigo. A situación orixinada pola crise do coronavirus, non lles está a deixar coidar a súa terra.

“Os cultivos levan un mes parados. Estamos nunha epoca de moita humidade e calor. O traballo para o verán está quedando en nada”, lamenta Andrés Santos, socio preferente da empresa.

Para poder acceder aos cultivos, a Xunta esixe estar a menos de 500 metros da horta ou ter o carné carnet de aplicador ou manipulador de productos fitosanitarios. Neste caso, “sendo unha horta ecolóxica, nós non traballamos nin queremos traballar con eses productos”, explica Santos, e engade “moitas persoas viven moi lonxe da zona, tendo que desplazarse en coche”.

“Parécenos absurdo que se poida ir a buscar alimentos a un supermercado masificado, aumentando así o risco de contaxio por COVID-19, e que se poñan tantas trabas a particulares con horta para o sustento familiar”, manifesta.

Desde esta empresa, demandan, “unha protección específica para coidar os alimentos. Moitas veces a propia policía nin entende o que está pasando”, explica. Ademais, por esta situación e ante o risco de quedar sen producto, asegura que van ter que “subir os prezos na tenda”, situada cerca da Gran Vía de Vigo.