O IV Congreso de Empresarias Galicia, que se celebrará os próximos 6 e 7 de novembro na sede de Afundación en Vigo, incorporará nesta edición o Foro da Muller co obxectivo de visibilizar o papel deste colectivo como motor empresarial.

Segundo recolleron os organizadores nun comunicado, esta actividade, que terá lugar o día 6, tamén abordará a situación da muller como elemento vertebrador de tecido das empresas radicadas en Galicia.

Deste xeito, ampliouse a duración do congreso co obxectivo de celebrar o Foro da Muller. Así, aspírase a abordar a situación deste grupo desde un punto de vista multidisciplinar e ofrecer solucións aplicables mediante distintas accións e iniciativas.

Así mesmo, o día 7 de novembro celebraranse talleres, ‘networkings’ e relatorios. Tamén se instalarán expositores de empresas e institucións asociadas, que poderán mostrar os seus produtos e servizos.

En concreto, este congreso busca destacar a función da muller na empresa e a sociedade e, na súa edición deste ano, aspira a reunir a 500 congresistas –o ano pasado sumáronse 290–. Ademais, aspira a promocionar a cidade olívica como unha localización de negocios na comunidade.