InicioEconomíaEmpresarios trasladan a Unidas Podemos súa preocupación polos cambios na lei de...

Empresarios trasladan a Unidas Podemos súa preocupación polos cambios na lei de Costas

PUBLICADO O

- Advertisement -

O Círculo de Empresarios de Galicia volveu a mostrar este luns a súa “preocupación” polas “incongruencias” e a “incerteza” que, ao seu xuízo, supón a proposta de reforma da lei de Costas, e así llo trasladou á deputada de Unidas Podemos-Galicia en Común, Yolanda Díaz, nunha reunión de traballo celebrada en Vigo.

Tras o encontro, a presidenta do Círculo, Patricia García, lembrou que o borrador presentado polo Goberno ten “unha afectación moi elevada” para os empresarios que desenvolven a súa actividade na costa galega, e advertiu de que esa “inseguridade” pode ter consecuencias na actividade económica.

Así, entre as cuestións que preocupan ao Círculo están as “incongruencias” no que respecta aos prazos de renovación de concesións, e advertiu de que eses cambios poden levar a empresas a pechar as súas instalacións ou a “retraer investimentos” que teñan previstas.

Por todo iso, o Círculo reclamou ao Goberno que traballe no texto cos axentes implicados, e lamentou que, para elaborar o borrador, o Executivo non actuou así. “Decatámonos da proposta de reforma pola porta de atrás”, criticou, á vez que puntualizou que as empresas queren manter a súa actividade pero sen deixar de respectar as cuestións ambientais.

Pola súa banda, Yolanda Díaz recoñeceu que, aínda que hai cuestións que separan as posturas do seu partido e do Círculo neste sentido (fundamentalmente o referido a a ENCE), é certo que o borrador de reforma “debe ser traballado, dialogado de forma descentralizada” porque “dá a sensación de que está feito co punto de vista madrileño, descoñecendo o impacto que pode ter na estrutura económica de Galicia”.

Este documento, presentado en campaña electoral, “está paralizado”, segundo lembrou a deputada galega, pero afirmou que, se se retoma a tramitación, Unidas Podemos fará “as accións necesarias para mellorar o texto”.

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...