A empresa de pedra natural Levantina iniciou os trámites para aplicar un ERE na súa planta do Porriño, que afectará á gran maioría do persoal, 95 traballadores dun persoal de 116 empregados, e confirma o cesamento da actividade industrial nesta factoría.

Os sindicatos confirmaron que a dirección xa entregou a documentación para iniciar a rolda de contactos de negociación do expediente de regulación de emprego. Este paso supón botar o peche da planta do Porriño, aínda que a empresa trasladou aos traballadores que a súa intención é manter a actividade comercial de Graninter e a actividade de almacén.

UGT, CC.OO. e CIG convocaron unha rolda de prensa para este xoves, nas instalacións da fábrica, no Polígono da Granxa, para explicar a situación.