O alcalde de Vigo, Abel Caballero, comunicou este venres que a previsión dos hoteis da cidade para esta ponte do Día de Galicia é dunha ocupación do 85% entre o 24 e o 28 de xullo.

Nun audio difundido aos medios de comunicación, o rexedor analizou á súa vez os datos do mes de xuño publicados polo Instituto Nacional de Estatística (INE), no que Vigo rexistrou o seu segundo mellor xuño da serie histórica.

“É practicamente o mesmo que o ano anterior, e iso que este ano a meteoroloxía non acompañou demasiado”, indicou, subliñando o crecemento do turismo internacional, con marca de visitantes nun mes de xuño. Para el, o turismo é economía, emprego e xeración de benestar e riqueza.