InicioEconomíaStellantis non prevé lanzar unha versión de hidróxeno do K9 'made in...

Stellantis non prevé lanzar unha versión de hidróxeno do K9 ‘made in Vigo’ e destaca a súa alternativa eléctrica

PUBLICADO O

O grupo automobilístico Stellantis non prevé lanzar unha versión de hidróxeno das súas furgonetas producidas na súa planta de Vigo, polo que puxo en valor a súa alternativa de motor eléctrico, con ata 330 quilómetros de autonomía ‘cero emisións’.

Así o sinalou o director de Stellantis ProOne Iberia, Alberto de Aza, na presentación precisamente na cidade olívica da nova unidade de negocio do consorcio que agrupa os vehículos comerciais de todas as marcas.

Preguntado polos medios de comunicación, despois de informar de que as furgonetas medianas e grandes de Stellantis si estarán dispoñibles nalgúns países europeos con versión de hidróxeno, el dixo que, polo uso que reciben as K9 (nome industrial de modelos comerciais como o Citroën Berlingo, o Fiat Doblò, o Opel Combo e o Peugeot Rifter) “neste momento a solución máis eficiente e eficaz é a eléctrica”, máis que a alternativa de hidróxeno.

En concreto, referiuse a que para outros modelos de maior tamaño si é interesante que se desenvolva a versión de hidróxeno, ao necesitar máis autonomía e máis capacidade de carga, porque teñen un uso “máis intensivo” e con “maior peso”, como son o K0 e o X250 (as súas furgonetas medianas e grandes).

Sobre a chegada de modelos de pila de combustible de hidróxeno a España, Stellantis subliñou que xa os está producindo en cadea de forma industrial, polo que podería ofrecelos no mercado español. Con todo, é necesaria unha infraestrutura para a súa recarga.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...