InicioEconomíaBinter celebra 5 anos de voos directos entre Canarias e Vigo despois...

Binter celebra 5 anos de voos directos entre Canarias e Vigo despois de transportar máis de 185.000 pasaxeiros

A aerolínea Binter celebrou este venres cinco anos de voos directos entre Canarios e Vigo, nos que transportou nesta ruta a máis de 185.000 pasaxeiros, segundo subliñou a compañía nun comunicado.

PUBLICADO O

- Advertisement -

A aerolínea Binter celebrou este venres cinco anos de voos directos entre Canarios e Vigo, nos que transportou nesta ruta a máis de 185.000 pasaxeiros, segundo subliñou a compañía nun comunicado.

Nun acto, que contou coa presenza do director Comercial e de Mercadotecnia da empresa, Miguel Ángel Suárez, e co alcalde da cidade olívica, Abel Caballero, Binter quixo pór en valor este servizo que, ao seu xuízo, mellorou a conectividade de ambas as rexións e favoreceu o desenvolvemento socioeconómico.

Durante o encontro, os representantes da firma anunciaron que entre o 16 e o 18 de xuño traerán a Galicia o seu curso ‘Voar sen medo’ que, da man de profesionais da psicoloxía e da aeronáutica, facilita ferramentas e métodos para enfrontarse á tensión e ao medo que sofren algunhas persoas cando teñen que subir a un avión.

Vigo foi, xunto a Mallorca, un dos primeiros destinos nacionais fora de Canarias aos que empezou a voar Binter en maio de 2018. Nestes cinco anos, a compañía aérea transportou a 185.000 pasaxeiros nos seus voos entre Vigo e Canarias e foi incrementando os días de conexión semanais, desde as dúas iniciais á ligazón diaria que opera na actualidade.

ÚLTIMAS

Stellantis reduce a súa proposta de ERE para un máximo de 80 traballadores e o ERTE baixa de 85 a 75 días en 2025

A dirección de Stellantis Vigo fixo este venres unha nova proposta a sindicatos para os expedientes...

Caballero arremete contra Néstor Rego (BNG) por oporse á nova A-52: “Veñen a Vigo a mentir”

O alcalde de Vigo, Abel Caballero, arremeteu este venres contra o BNG e contra o deputado Néstor...

As borrascas destapan novamente o ‘bosque fósil’ da praia de Patos

A Praia de Patos (antes Praia D'Abra), en Nigrán, é famosa polo seu ambiente...

66 afectados con 25 días de indemnización por ano traballado, así é o acordo de ERE na Levantina

A filial de Levantina no Porriño, Levgranite, comunicou este xoves que alcanzou un acordo...