O estadio municipal de Balaídos terá un nome, cando menos, un “nome oficial”. E aparece logo do acordo entre Abanca e o Real Club Celta por un período de 10 anos que inclúe, entre outras cuestións, renomear o estadio.

Así o comunicaron o conselleiro delegado de Abanca, Francisco Botas, e o presidente do Celta, Carlos Mouriño, na presentación do acordo, celebrada este luns na sede do Celta, en Vigo, onde descartaron achegar información sobre a contía pola que se subscribe o convenio.

Acerca de se o Concello de Vigo coñecía que se ía a renomeaar o estadio e deu o seu visto e prace, Mouriño dixo que “si” o falaron “en varias ocasións previamente co alcalde, e sabía que practicamente –estaba– feito”.

Neste marco, engadiu que o convenio entre o Concello e o club establece que este último pode explotar a publicidade, e “isto é parte da publicidade”. Por iso, considerou que “non haberá inconveniente ningún por parte da Alcaldía”.